Dimanĉon la 9an de februaro, tri esperantistoj el Le Mans ĉeestis la tutan tagon organizitan de la klubo en Angers.
Tiu tago okazis apud la lago de Maine.
Estis plezuro aŭskulti Nathalie Rigault, kiu rakontis sian vojaĝon kun ĉevaloj tra la franca kamparo dum kvar monatoj. Interesa diskuto sekvis. Kia granda kuraĝo, ĉar ŝi estis sola kun du junaj infanoj ! Eblas aĉeti la libron, kiu rakontas ŝian originalan kaj simpatian aventuron.
Antaŭ tagmanĝo okazis koncerto, kantoj kun Mariane Philippe kaj Janou.
Poste Bruno kaj Maryvonne Robineau prezentis enigmojn kaj anekdotojn tre aprecitajn.
La juna paro Benoit kaj Laura rakontis sian tre longan vojaĝon bicikle al Japanio montrante multe da bildoj.
Muzika tempo finis tiun tre agrablan tagon !